Хизб ут-Тахрир аль-Ислами”

Үстүздөгү жылдын 27-октябрында Кыргыз Республикасынын Кылмыш-жаза кодексинин 332-беренесинин 2-бөлүмү (Экстремисттик материалдарды даярдоо, таратуу) боюнча козголгон кылмыш ишинин алкагында, Жалал-Абад облусунун Сузак районунун Кургак-Көл айылынын аймагында, ай сайын өткөрүлүүчү “чогулушта” “Хизб ут-Тахрир аль-Ислами” ДЭУнун лидери А.И.Т., И.З.К., К.М.Т., М.Х.Ч., Б.И.М., А.Т.Ж. жана Ч.Х.Т., Э.Н.Т., Х.Ф.Г., П.С.А., А.Д. аттуу активдүү мүчөлөрү кармалды.

Жүрүзүлгөн тинтүү иштеринин натыйжасында ири өлчөмдөгү экстремисттик мүнөздөгү адабияттар, баракчалар, уюлдук телефондор, электрондук маалымат каражаттарды алып жүрүүчүлөр жана ячейканын каржылык ишмердүүлүгү тууралуу маалыматтар алынган.

Бул адамдар экстремисттик идеологияны жайылтуу максатында системалуу түрдө диний сабактарды өткөрүп, ошондой эле социалдык тармактар аркылуу экстремисттик материалдарды таратып жүрүшкөн.

Кармалган жарандар  УКМКнын Жалал-Абад областтык  башкы башкармалыгынын тергөө камак жайына киргизилди.

Алардын кошумча кылмыштуу байланыштарын аныктоо боюнча ыкчам-тергөө иш-чаралары жүрүп жатат.

Кечээ, 5-июлда Кызыл-Кыя шаардык сотунун өкүмү менен “Хизб ут-Тахрир аль-Ислами” ДЭУнун 6 мүчөсү К.А.К., 1984 ж.т.;  Э.Н.Т., 1995 ж.т.; А.у.А., 1991 ж.т.; Н.Ж.М., 1976 ж.т.;  М.З.Я., 1993 ж.т. 1,6 жылдан 6 жылга чейин эркинен ажыратылды:

Аталган ДЭУнун мүчөлөрү Кыргыз Республикасынын жарандарын экстремисттик уюмга мыйзамсыз тартуу үгүттөө менен алектенишкен.

Ыкчам-иликтөө иш-чараларынын жүрүшүндө тыюу салынган көп сандагы экстремисттик адабияттар жана электрондук маалымат каражаттары табылып алынган.

КР УКМК “Хизб ут-Тахрир аль-Ислами” ДЭУсу 2003-жылдын 20-августунда КР Жогорку соту тарабынан экстремисттик уюм деп таанылганын жана Кыргызстандын аймагындагы ишмердүүлүгүнө тыюу салынганын эске салат