Menu

7-апрель 2010-жыл

УКМК: 2010-жылы К.Бакиевдерге таандык 97 даана кыймылсыз мүлк мамлекетке өткөн, бирок кийин Убактылуу өкмөттүн мүчөлөрү, депутаттар жана соттор пара катары бөлүп алышкан

Кыргыз Республикасынын УКМК тарабынан мурда улутташтырылган мүлктү мыйзамсыз алып коюу жана легалдаштыруу фактысы боюнча кылмыш иши тергелүүдө, атап айтканда, Ысык-Көл районундагы «Аврора плюс» пансионатынын аймагындагы коттедждер жана батирлер.

2010-жылдын 25-майында Кыргыз Республикасынын Убактылуу Өкмөтүнүн №43 Декрети менен 10 га жер тилкеси улутташтырылып, Ысык-Көл облусунун Ысык-Көл районундагы Булан-Сөгөттү айылында «Ысык-Көл-Аврора» санаторийинин аймагында жайгашкан, К.Бакиевдин үй-бүлө мүчөлөрүнө жана анын жакын чөйрөсүнө таандык 97 даана өлчөмүндөгү кыймылсыз мүлк объекттери мамлекеттин карамагына өткөн. 

Бирок, кийин бул объектилер 3 инстанциядагы соттор тарабынан атайылап адилетсиз чечимдерди чыгаруу менен мамлекеттин менчигинен чыгарылган. Ошол эле учурда судьялар «Аврора плюс» ишканасынан кымбат баалуу коттедждерди жана батирлерди кызыкдар тараптардан пара түрүндө ири өлчөмдөгү акча каражаттарын алышканы аныкталган.

Ошондой эле, Убактылуу өкмөттүн айрым мүчөлөрү жана КР Жогорку Кеңешинин депутаттары «Аврора плюс» пансионатынын аймагындагы улутташтырылган мүлктү мамлекеттик менчиктен чыгарууга көмөк көрсөтүү үчүн коттедждер жана батирлер түрүндө пара катары алышкан.

Натыйжада суммасы алдын ала эсептөөлөр боюнча 500 миллион сомдон ашуун мамлекеттин кызыкчылыгына зыян келтирилген.

КР МУКК чогулткан материалдардын негизинде, Кыргыз Республикасынын Башкы прокуратурасы тарабынан Кыргыз Республикасынын Жогорку Сотунун мурдагы Төрагасы Д.Ф.З., Кыргыз Республикасынын Жогорку Сотунун Төрагасынын мурдагы орун басары С.Э.Э., Кыргыз Республикасынын Жогорку Сотунун азыркы судьялары А.Н.М., О.К.Т. жана Бишкек шаарынын райондор аралык сотунун экс-төрагасы К.К.Ж. карата КР Кылмыш-жаза кодексинин 336-беренесинин 2-бөлүмү (Коррупция) менен кылмыш иши козголуп, тергөө иштери жүрүп жатат.

Мындан сырткары, КР МУКК тарабынан бул кылмыш иштерин иликтөөнүн алкагында К.Бакиевдин үй-бүлөсүнүн мурда улутташтырылган мүлктөрүн мамлекетке кайтаруу чаралары көрүлүүдө.

Видео - Нарын Айып: 2010-жылдагы апрель революциясы жыйынтыгында парламентаризм идеясын булгап, Кыргызстанда авторитардык бийлик орнотту

Кыргызстанда бүгүн 2010-жылдагы апрель революциясынын 12 жылдыгы белгиленип жатат. Бишкектин борбордук аянтындагы кандуу кыргындан кийин президент Бакиев качкан, бирок ошол окуялар жана алардан кийинки Ош менен Жалал-Абаддагы июнь коогалаңы сырткы күчтөрдүн катышуусу менен уюштурулган деген шек бар.

Жаңы адамдар кандай жол менен бийликке келсе дагы, өлкөнүн кийинки өнүгүүсү алар убадалагандай болгон жок – бир жарым жылдан кийин алар баары өздөрү сүрөп, бийликке Атамбаевди алып келди, анын 6 жылдык президенттиги учурунда мамлекет саясий жактан көптөгөн жылга артка кетти.

Эң негизгиси болсо парламентаризм идеясы булганып, парламенттик шайлоо кадимки эле соода-сатыкка айланып кетти, европалык баалуулуктарды баарыбыз сөгө баштадык жана 1980-жылдардан бери авторитаризм менен күрөшүп келген кыргыз коому 30 жылдан кийин расми түрдө авторитардык бийликке кайтып келди.

Нарын Айып, журналист

Меню