Menu

Accelerate Prosperity бизнес акселератору

Accelerate Prosperity бизнес акселератору Кыргызстандын түштүгүндөгү ишкер жаштарга колдоо көрсөтүүнү баштады

Эртең, 11-март күнү Accelerate Prosperity бизнес акселератору активдүү жана идеялуу жаштарды ОшМУда (ОшМУ) өтө турган Youth CUP алдын-ала инкубациялоо программасынын расмий эмес ачылышына чакырат.

Youth CUP идеясы бар жаштар командалары менен иштешүү аркылуу алардын идеяларын толук кандуу стартапка чейин өсүп жетүүсүнө жардам берүүнү максаттайт.

Программа минималдуу жашоого жарамдуу өнүмгө ээ болгон жаңы бизнестерге, ошондой эле өнүгүү үчүн келечектүү идеясы бар ишкерлерге колдоо көрсөтүп,  насаатчылык кылат. Мыкты долбоорлор өз идеяларын өнүктүрүү үчүн 10 000 доллардай инвестиция ала  алышат.

Youth CUP ачылышында Accelerate Prosperity, Кыргызпатент жана ОшМУнун өкүлдөрү идеялары бар стартаперлер жана жаш ишкерлер менен сүйлөшөт. Тажрыйбалуу ишкерлер Сабина Темиралиева (Макаронная) жана Бактияр Замирбеков (BeGreen) өз тажрыйбалары жана ийгилик сырлары менен бөлүшөт.

“Бул программа максималдуу түрдө катышуучулардан жыйынтык чыгарууга багытталат. Эгерде команда эч нерсе кылбаса, катышуудан чыгып калат, анын ордуна жаңысын алабыз. Бул терс жыйынтыктар үчүн командаларды четтетебиз дегенди билдирбейт. Тескерисинче, терс натыйжа да команда мүчөлөрүнүн жасалган иш-аракеттеринин жыйынтыгы болуп саналат. Программанын баалуулугу – бул ар бир катышуучуну программанын жүрүшүндө ишкер катары өстүрүү”, – деди акселерация боюнча менеджер Айжан Алишерова-Дуймаз.

Youth CUP алдын-ала инкубация программасына 20-мартка чейин катталсаңыз болот. Натыйжаларды бербеген долбоорлор программанын жүрүшүндө чыгарылып, бош орунга жаңы долбоорлорду алуу улантылат. Программа 8 жума бою онлайн түрүндө өтөт. Билим берүү акысыз жана программаны аяктагандан кийин эң мыкты долбоорлор 10 000 долларга чейин инвестиция ала алат.

Программага катышуу үчүн тандоо критерийлери:

— Кыргызстандын бардык аймактарынан 29 жашка чейинки жарандар арыз бере алышат;

– Командада экиден кем эмес адам болушу керек;

– Сиз идея, прототип менен тапшыра аласыз (биринчи сатылган продукцияларга уруксат берилет);

– Катышуу үчүн юридикалык каттоо же патент/күбөлүк талап кылынбайт;

Тапшыруу үчүн: https://kg.accelerateprosperity.org/youthcup23

Accelerate Prosperity – бул Ага Хан Өнүктүрүү Уюмунун (AKDN) демилгеси жана инклюзивдик экономикалык өсүштү жогорулатуу, жергиликтүү потенциалды жогорулатуу максатын көздөгөн “Жергиликтүү өнүгүү” долбоорунун алкагында АКШнын Эл аралык Өнүктүрүү Агенттиги (USAID) тарабынан каржыланат. Бул каржылоолор экономикалык өсүүнү камсыздоо, инфраструктураны жакшыртуу, жарандардын жана жергиликтүү институттардын мүмкүнчүлүктөрүн кеңейтүү, плюрализмди жана коомдук биримдикти жайылтуу үчүн инновациялык чечимдерди издөөгө жана ишке ашырууга багытталган.

USAID жана Ага Хандын  “Жергиликтүү өнүгүү” долбоору тармактардагы жана бир нече өлкөлөрдөгү аялуу жамааттардын арасындагы негизги көйгөйлөргө жаңы, инновациялык чечимдерди табууга умтулат.

Меню