2019-жылы Кыргызстанда азык-түлүктүн экспорту көбөйгөн

2018-жылга салыштырмалуу 2019-жылы азык-түлүктүн экспорту кадимкидей көбөйө түшкөнүн мамлкеттик ветеринардык жана фитосанитардык коопсуздук инспекциясы билдирди.

“Сүт продукциясын экспорттоо 3 миң 268 тоннага өсүп, 30 миң тоннаны түздү. Балыктын экспорту 1925 тоннага көбөйүп, 2376 тоннаны түзүп олтурат. Бал 140 тоннага көбөйдү, жалпы 510 тонна”, – деп айтылат маалыматта.

2018-жылы өлкөбүз Иранга гана эт экспорттоп келсе, 2019-жылы Бириккен араб эмираттары менен Кувейтке  жөнөтө башташкан. Былтыр сыртка 2 миң 208 тонна эт кеткен, анын 787 тоннасы – койдун эти.

Бүгүнкү күндө Евразиялык экономикалык биримдиктин бирдиктүү реестринде 102 кыргыз ишканасы катталган:

Сүт азыктарын өндүргөн – 26 ишкана;

Бал өндүрүп саткан – 29 ишкана;

Балык өндүргөн – 21 ишкана;

Эт өндүргөн – 15 ишкана;

Улуттук сүт азыктарын өндүргөн – 1 ишкана;

Мал сойгон – 6 ишкана;

Тирүү малды багып, көбөйтүп саткан – 2 ишкана;

Куш этин өндүргөн – 1 ишкана;

Малга жем даярдаган – 1 ишкана бар.

Булак: KyrgyzToday.kg

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *