Айжан Чаначева, “Кыргызстан сулуусу-2019” сынагынын жеңүүчүсү: “Азырынча жигиттер менен сүйлөшкүм келбейт”

Өткөн апталарда Маданият, маалымат жана туризм  министрлигинин колдоосу менен “Кыргызстан сулуусу-2019” сынагы өткөрүлдү. Ал сынактын жыйынтыгында Нарын облусунун атынан чыккан 21 жаштагы Айжан Чаначева жеңүүчү аталган. Эми ал “Дүйнө сулуусу” сынагына катышат. Биз айчырайлуу Айжанга айрым суроолорубузду узаттык.

– Айжан, алгач үй-бүлөң тууралуу токтолсоң, ата-энең кайсы чөйрөдө иштешет?

– Атам чакан ишкерлик менен алектенет. Апам болсо туризм тармагында, конок үй иштетет. Төрт бир туугандын улуусумун. Менден кийинки сиңдим Тайванда окуйт. Андан кичүүлөрү бала бакчага барышат.

– Саясатка кызыгасыңбы? Баалаган саясатчыларың кимдер?

– Ушу мен таптакыр эле саясатка кызыгуум жок. Бир гана жашоомо таасир берген “Адамга эң кыйыны – күн сайын адам болуу” деген укмуш цитатасын калтырган залкар жазуучубуз Чыңгыз Айтматовду баалайм.

– Сулуулук сынактары боюнча дагы кандай максаттарың бар?

– 20-ноябрда өтө турган “Дүйнө сулуусу” сынагына даярдана баштадым. Бирок, жетишпей калам го. Ал жакка катышуу үчүн бир топ каражат керек экен. Виза иштери бүтпөй калса, анда келээрки жылга аракеттенем.

– Сен жактырган мырзаны кандай сүрөттөйсүң?

– Узун бойлуу, акылдуу, ыймандуу, чечкиндүү жигиттерди жактырам.

– Ошондой мырзалар колуңду сурап калса, кандай жооп узатасың?

– Азыр эч ким менен сүйлөшкүм келбейт. Турмушка чыгуу капарымда жок. Өз максаттарыма жетүү үчүн күрөшөм деген ниеттемин.

Булак: «Азия ньюс»

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *