АКШ менен Түркия бири-биринин жарандарына виза берүүнү токтотту

Жекшембиде АКШнын Анкарадагы элчилиги Түркиянын жарандарына виза берүүнү убактылуу токтотконун билдирди. Көп өтпөй Вашингтондогу түрк элчилиги дагы ушундай эле мазмундагы билдирүү жасады.

АКШнын бул чечими өткөн аптада Стамбулда америкалык дипломаттын кармалышына жооп болду. Кошмо Штаттардын пресс-релизинде жазылгандай, визалар Түркия америкалык элчилердин коопсуздугун кепилдей ала тургандыгына АКШнын көзү жеткенге чейин берилбейт.

Эки өлкөнүн мамилеси Вашингтондун Сириядагы күрттөрдү колдогондугунан улам начарлап кеткен. Сириядагы күрттөрдүн союздашы эсептелген Түркиядагы Күртстан жумушчулар партиясы өлкөдө террордук уюм деп табылган.

Андан тышкары мамилелердин начарлашына Түркиянын НАТОго мүчө эмес Орусиядан зениттик-ракеталык комплекстерди сатып алуусу жана АКШда жашаган диний ишмер Фетхуллах Гүлендин экстрациясын талап кылуусу дагы себеп болгон. Анкара оппозициячыл динаятчыны 2016-жылы июндагы мамлекеттик төңкөрүш аракетин уюштурган деп айыптоодо.

Стамбулда кармалган америкалык дипломат тыңчылыкка жана Гүлен менен жашыруун байланышта болгон деп айыпталууда. Мамлекеттик департамент түрк тараптын мындай айыптоосун «далилсиз» деп мүнөздөдү.

Булак: “Борбор Азия жаңылыктар кызматы”

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *