Аксы районунда өзгөчө кырдаалдардан сактануу ыкмалары боюнча окуулар өткөрүлдү

2016-жылдын  20-22-сентябрь күндөрү Жарандык коргонуу адистерин даярдоо жана кайра даярдоо борборунун аймактык кафедрасынын окутуучулары тарабынан Жалал-Абад  облусунун Сузак районунун Кызыл-Туу айыл аймагынын Алмалуу-Булак айылында  жана Аксы районунун Кара-Суу айыл аймагынын Кара-Суу айылында потенцалдуу коркунучу бар айылдарда  жашаган калкка табигый, техногендик мүнөздөгү өзгөчө кырдаалдардан сактануу ыкмалары боюнча окуулар  өткөрүлдү. Бул тууралуу КР ӨКМнин басма сөз кызматы билдирди.

Өткөрүлүүчү көчмө окуулардын негизги максаты алыскы потенциалдуу кооптуу аймактарда жашаган  калкка табигый, техногендик өзгөчө кырдаалдар боюнча так жана түшүнүктүү деңгээлде маалыматтарды жеткирүү, ӨК катталган учурларда өздөрүн туура алып жүрүү эрежелери жана өзгөчө кырдаалдарды алдын алуу иш-чаралары боюнча маалыматтарды берүү эсептелет.

Аталган окууларга айыл өкмөт кызматкерлери, почта кызматчылары,  медицина  кызматынын өкүлдөрү,  ошондой эле  №9Жеңижок орто мектебинде өткөрүлгөн сабактарга мектеп мугалимдери  жана жогорку класстын окуучулары катышты.

Жыл башынан бери Аксы районунун Кара-Суу айылында  сел көп катталганына байланыштуу, көптөгөн материалдык чыгымдарга дуушар болгон калк окутуунун жүрүшүндө сел, жер көчкү жана ссудалар боюнча суроолорду беришип,кеңири түшүндүрмө алышты.

Медицина кызмат өкүлү өзгөчө кырдаалдар учурундагы алгачкы медициналык жардам көрсөтүү ыкмалары боюнча маалымат берди.

Окуунун соңунда айылдардын мектеп жана айыл өкмөт администрациясына ӨК жөнүндө таркатуу материалдары, плакаттары  берилди.

КР ӨКМнин басма сөз кызматы.

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *