Видео – Акылбек Осмоналиев: “Быйыл Ысык-Көл облусу ички туризмди өнүктүрүүгө басым жасайт”

Бүгүн, 18-майда Өкмөттүн Ысык-Көл облусундагы ыйгарым укуктуу өкүлү Акылбек Осмоналиев онлайн-брифингде облус быйыл ички туризмди өнүктүрүүгө басым жасала турганын билдирди.

Анын айтымы боюнча, 2019-жылы туризм тармагына жүргүзүлгөн мониторингдин жыйынтыгы боюнча, аймакка келген туристтердин жалпы санынын 83 пайызы Кыргызстандын жарандары, 14 пайызы КМШ өлкөлөрүнүн жарандары, 2 пайызы Европа мамлекеттеринин өкүлдөрү жана 1 пайызы башка мамлекеттердин жарандары.

“Быйыл биз ички туризмди өнүктүрүүгө басым жасайбыз. Учурда пансионаттарда жана санаторийлерде оңдоо жана даярдык иштери жүрүп жатат” – деп билдирди Акылбек Осмоналиев.

Белгилей кетсек, Ысык-Көл облусунда 13 адамдан коронавирус табылган. Алардын ичинен 10 адам оорудан сакайып, ооруканалардан чыгарылган.

Булак: KyrgyzToday.kg

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *