Алайда 10-класстын окуучусу өз жанын кыйды

Алай районунда 10-класстын окуучусу асынып алышынын чоо-жайы иликтенип жатканын Ош облустук ички иштер башкармалыгы билдирди.

Окуя 28-декабрда кечке жуук Боз-Караган айылында болгон. Өзү жашаган үйдүн короосунда муунуп каза тапкан баланын сөөгүн атасы тапкан.

Маркумдун туугандары эч кимге доосу жок экенин айтып, милициянын сөөктү соттук-медициналык экспертизага берүү тууралуу сунушунан баш тартышкан.

Маалыматка караганда, өспүрүм Боз-Караган айылындагы мектепте былтыр окуй баштаган. Ага чейин апасы менен Орусияда жашап, ошол жакта 1-класстан 9-класска чейин билим алган. Ал атасы менен чогуу жашап жаткан. Маркумдун сөөгү 30-декабрда жерге берилди.

Булак: “Борбор Азия жаңылыктар кызматы”

 

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *