Алга, Ильгиз, алга!

Ильзат Ахмедов 1997-жылы 31-де­кабрда Бишкек шаарында туул­ган. Ильзаттын футбол дүйнөсүнө кирүүсүнө атасы себепкер болот. Кичине кезинде эле аны борборуб­уздагы кут арткан, дөөлөтү бар «Ал­га» клубуна алып барган. Ошентип, ал алгач машыгууга катыша башта­ганда эле зиректиги байкалып, ре­спубликабыздын балдар арасында­гы курама командасында ойноп, 11 жашында Россиянын Тольяти шаа­рындагы мелдешке барып калат. Ал жерден Россиялык машыктыруучу­лардын назарына илинип, алар анын футболго болгон жөндөмүн байкап, Ильзатты Юрий Коноплев атында­гы футболдук Академияда калуусун билдиришет. Ата-энеси да макул бо­лот. Ошентип, чоң футболго болгон Ильзаттын келечеги ошол жерде ка­лыптана баштайт. Ал азыр чабуулчунун позиция­сындагы жарым коргоочу. Футбол боюнча Дүйнө чемпиону, Бразили­ялык Каканы кумир тутат. Буга чей­ин Казандын «Рубин» клубунда ой­ноп келсе, үстүбүздөгү жылдан тарта ЦСКА футболдук клубунда ойнойт. Чет элдик спорт басылмаларындагы маалыматтарга таянсак ага Итали­янын “Рома” футболдук клубу жана ошондой эле Англиянын “Арсенал” клубдары кызыгууда экени айтылуу­да. Буга себеп, Чемпиондор лигасы­нын топтук баскычтагы ЦСКА менен «Рома» командасынын беттешүүсүн­дө жана “Зенит” менен болгон оюн­дарында Ильзаттын чеберчилиги Европалыктардын кызыгуусун жа­ратканы айтылат. (Ал эми Ильзат Ах­метовдун ЦСКА менен болгон кели­шими 2022 –жылга чейин түзүлгөн.)

Айтмакчы, сүйүндүрө турган нерсе, ошо Европалык футбол ади­стеринин айтымында Ильзат дагы да мыкты машыгууларды өткөр­сө, 2020-жылдагы Европа чемпи­онатында болбосо да, 2024-жылы өтүүчү Дүйнө чемпионатында ой­ноп, мыкты көрсөткүчтөрдү жара­тышы толук ыктымал экендиктерин кыйытышууда. Болсун! Анда эле биз, бүтүндөй Ала-Тоо Түштүк Кореялык, учурда Улуу Британиянын «Тот­тенхем Хотспур» футболдук клубу­нун ишенимдүү чабуулчусу аталган Сон Хын Мин менен жер жүзүндөгү жалпы корей улуту кандай сыймы­ктанса, алардан ашса ашып, алды кем калбаган кубанычка бөлөнөөр элек! Алга, Ильзат, алга! Жаратка­ныбыз, анан бейиштин төрүндөй болгон Кыргызстаныңдын касиети колдосун сени!

Булак: «Айгай-пресс»

 

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *