Kyrgyztoday
Kyrgyztoday » Жаңылыктар » Алматы акимчилиги саясий реформалар боюнча митинг өткөрүүгө уруксат берди
Борбордук Азияда Саясат

Алматы акимчилиги саясий реформалар боюнча митинг өткөрүүгө уруксат берди

12-октябрда укук коргоочулар Бахытжан Торегожина менен Галым Агелеуов Алматы акимчилиги 500 кишинин катышуусунда митинг өткөрүүгө уруксат бергенин билдиришти. Митингде саясий реформаларды жүргүзүү жана саясий куугунтуктарды токтотуу талабы жаңырат.

Акимчилик укук коргоочулардын өтүнүчүн кабыл алуу менен митинг учурунда санитардык-эпидемиологиялык нормаларды сактоо керектигин белгилеп, коомдук тартипке жана митинг өтө турган аймактын санитардык абалына уюштуруучулар жооп берерин айткан. Токтомго ылайык, митинг 31-октябрда Шокан Уалиханов атындагы гүлбакта өтөт.

Укук коргоочу Галым Агелеуовдун билдиришинче, жергиликтүү бийлик буга чейин эки өтүнүчтү канааттандырбай, үчүнчү жолу гана макул болгон. Акимчилик акцияны өлкөдө тыюу салынган “Казакстандын демократиялык тандоосу” кыймылы жана “Көчө партиясы” колдоп жатканын билдирген. Укук коргоочулар жарандардын укуктары дискриминация болуп жатканын айтышкан.

Казакстандын ”Тынч жыйындар тууралуу» мыйзамына ылайык, жарандар тынч митинг өткөрүү тууралуу алдына ала жергиликтүү бийликтерге кабар бериши керек. Эгер акимчилик уруксат бербесе, ал митинг «мыйзамсыз” деп эсептелип, катышуучулары жоопкерчиликке тартылышы мүмкүн.

Булак: “Борбор Азия жаңылыктар кызматы”

Япония Тажикстанга көзөмөл өткөрүү пунктун куруп берди

Япония орус жарандары үчүн визасыз режим киргизет

Япон агенттиги Талас-Тараз автожолундагы Үйүрмарал суусунан өткөн көпүрөнү курууга гранттык каражат бөлөт