Алмаз Атамбаев Дональд Трампты АКШ Президенти кызматына шайланышы менен куттуктады

Алмаз Атамбаев Дональд Трампты Америка Кошмо Штаттарынын Президенти кызматына шайланышы менен куттуктады.

«Биздин өлкөлөр ортосунда дипломатиялык мамилелердин орногонуна 25 жыл толгон жылы Сизди куттуктоо мен үчүн өзгөчө жагымдуу. Кыргыз Республикасы жана Америка Кошмо Штаттары достук мамилелерди жана өлкөлөрүбүздүн элдеринин кызыкчылыгы үчүн жыргалчылыгы үчүн өз ара пайдалуу өнөктөштүктү бекемдөөнү мындан ары да улантарына ишеним билдирем.

Сиздин жогорку мамлекеттик кызматта  иштегениңиз кыргыз-америкалык ар тараптуу кызматташтыкты, анын ичинде демократиялык өнүгүү чөйрөсүндө да кызматташтыкты кеңейтип, азыркы кездин глобалдуу чакырыктарына жана коркунучтарына биргелешип каршы турууга өбөлгө болооруна ишенем», – деп белгиленет куттуктоо телеграммада.

Мамлекет башчысы Дональд Трампка бакубатчылык, бекем ден соолук жана мамлекеттик ишмердигинде ийгиликтерди, ал эми Американын биз менен дос элине  – тынчтык жана гүлдөп-өнүгүүнү каалады.

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *