Алмаз Атамбаевдин күйөө баласы Семетей Султанов Бишкектин мэри Азиз Суракматовду сындады

Экс-президент Алмаз Атамбаевдин күйөө баласы Семетей Султанов Бишкектин мэри Азиз Суракматовдон эмне себептен суук түшүп, кар жаагандан кийин шаардын көчөлөрү жүрүүгө мүмкүн болбой калганын сураган.

Мурунку өлкө башчынын күйөө баласы Фейсбук социалдык тармагындагы баракчасында нааразычылыгын билдирип, мэр анын унаасынын жүрүүчү бөлүгүн оңдоп-түзөп жана жаңы бампер орнотуп берүүгө милдеттүү экенин билдирген.

Белгилей кетсек, жазган сегиз сап катында ал 8 ката кетирген. Бул тууралу 24.kg сайты жазып чыкты.

Эске салсак, 12-ноябрда аба ырайы кескин начарлап, Бишкекке кар жаап, суук түшкөн. Шаардын бийлиги жолдорду күнү-түнү тазалаганы жөнүндө рапорт беришкен.

Муниципалитеттин маалыматына караганда, 573 тонна кум жана 49 тонна туз жодорго себилген. Кар менен күрөшүүгө 43 техника бирдиги, жол-эксплуатациялык бөлүмүнүн 20 кызматкери, “Тазалыктын” жана шаардын жергиликтүү аймактык башкармалыктарынын 740 кызматкери тартылган.

Ага карабастан шаар тургундары жолдор муз жана тайгак болгонуна нааразычылыгын билдирип, шаардын бийликтин кызматкерлери магистралдык жолдорду али тазалай элегин айтышкан.

Булак:KyrgyzToday

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *