Ар бир бала бакчага барышы үчүн өлкөдө 1 миң 600 жаңы имарат курулушу керек

Өлкө боюнча бардык балдар бала бакчаларга барышы үчүн 250 орундуу 1,6 миң жаңы имарат курулушу керек. Буга 80 миллиард сом сарпталат. Бул тууралуу бүгүн, 14-ноябрда Жогорку Кеңештин отурумунда вице-премьер-министр Алтынай Өмүрбекова билдирди.

Анын айтымында, бүгүнкү күндө өлкө аймагында 3 жаштан 6 жашка чейинки 400 миң бала бала бакчага барбайт. Жалпы республика боюнча бул жаш курактагы 680 миң бала бар.

“Көп баланы бала бакчалар менен камсыздоо үчүн ар биринде 250 орун бар 1,6 миң жаңы бала бакча курулушу керек. Балдарды мектепке чейинки билим менен камсыздоо максатында китепканалардын аянтчаларында билим берүү ийримдери уюштурулган. Өлкө боюнча бизде 1 миң 50 китепкна бар.  Азыркы учурда аталган ийримдер 9 китепканада иш алып барат. 2019-жылы биз алардын санын 40ка жеткирүүнү пландап жатабыз,” – деп билдирген Алтынай Өмүрбекова.

Булак:KyrgyzToday

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *