Ашхабадда кыймылсыз мүлккө болгон баа кескин төмөндөдү

Ашхабадда акыркы жылы кыймылсыз мүлккө болгон 30% чейин түшүп кетти.

Түркмөнстан борборунда 45 миң доллар турган эки бөлмөлүү батирлер 30-35 миң долларга чейин төмөндөдү.

Жергиликтүү байкоочулардын баамында, бул өлкөдөгү экономикалык каатчылык жана тышкы миграция агымынын көбөйүшү менен байланыштуу.

Бул арада кыймылсыз мүлктөрдү сатуу жоболору татаалдаштырылды. “Сатуу-алуу же алмашууга байланышкан бардык операцияларды Юстиция министрлигинин алдындагы кызматка каттатуу милдеттендирилди. Бул кызматты чет өлкөгө чыгып кеткендер өтө көп болуп жаткандыктан, турак-жайларды сатууну кыйындатуу үчүн ачышты”, – деди кабарчысы.

Буга чейин Түркмөнстандан Орусияга кетүүнү каалагандар көбөйгөнү кабарланган. Бир нече айдан бери Ашхабаддагы Орусия элчилигинин алдында бул өлкөгө бааруу үчүн документ тапшырган түркмөнстандыктардын узун кезеги пайда болду.

Булак: “Борбор Азия жаңылыктар кызматы”

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *