Атамбаев ГФРдин канцлери Ангела Меркелди ХДСтин Бундестагка шайлоодо жеңишине байланыштуу куттуктады

Алмазбек Атамбаев Германия Федеративдүү Республикасынын Федералдуу канцлери Ангела Меркелди  анын партиясы – Германиянын Христиан-демократиялык союзунун Бундестагка шайлоолордо жеңишке жетишкендигине байланыштуу куттуктады. Бул туурасында президенттин рамий сайты жарыялады.

“Сиздин партиянын жеңиши  Сиз тандап алган саясый жана социалдык-экономикалык  багытты германия эли колдой тургандыгынын  ачык-айкын белгиси болуп саналат. Сиздин жетекчилигиңиз алдында Германия Федеративдүү Республикасынын Өкмөтү  өлкөнү  мындан ары туруктуу өнүктүрүү боюнча өз ишмердигин ийгиликтүү уланта берет деп ишенем.

Кыргыз Республикасы кыргыз-германия өз ара пайдалуу кызматташуусун мындан ары кеңейтүүгө абдан  кызыктар экендигин ырастайм”, -деп белгиленет Мамлекет башчысынын куттуктоосунда.

Кыргызстандын Президенти  Федералдуу канцлерге  чың ден соолук жана мындан аркы ийгиликтерди, достук мамиледеги Германия элине  тынчтык жана гүлдөп өнүгүү каалады.

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *