Атамбаевге Таластан дубай салам: урматтуу ажо, жок дегенде катка жооп берип койсоңуз

Тагдырдын тамашасы ушундай экен. Кечээ эле Талас эли канкор Бакиевдин бийлигине каршы чыгып, эч нерседен тайманбай, акыйкат, жакшы жашоо, балдарыбыздын келечеги үчүн жаныбызды канжыгага байлап, күрөштүк эле. Ошондо азыркы ажо Атамбаев дагы биз менен чогуу чай ичип, биздин катарда эски бийликке муштум кезеп жүргөн. Анан бийликке жетип, Ак үйдү аттагандан кийин ажыдаарга айланды да калды. Алгач эски тааныш катары эптеп жолугуп, элдин көйгөйүн айтып турчубуз, кийирчерээк такыр эле жанына жакын жуутпай, качып калды. Бул деген элди эсинен чыгарганы да. Макул, кабыл албаса албай калсын, жок дегенде кат аркылуу барып жаткан кайрылуубузга жооп берип койгонго жарабайбы? Учурунда “мен бийликке келсем тигинтем, минтем” деп ооз көптүргөн ажодон бүгүн дайын жок. Убагында Таластын эли жапырт көтөрүлүп, авторитардык бийликти кулатып, Атамбаевдин такка отурушуна шарт түзүп берди эле. Бүгүн ошол таластыктар ажодон көңүлү сууп, таарынычын ичине катып отурушат. Канткен менен бардык нерсенин чеги болот, чектен чыккандын арты жакшылык менен бүтпөйт.

Урматтуу президент мырза, өткөн күндөргө бир көз чаптырып, айтылып жаткан акыйкат сөздөргө маани берип, элдин көтөргөн көйгөйүн көрүп, жооп берип койсоңуз.

Төлөгөн  Наралиев, “Акыйкат” кыймылынын төрага орун басары, Апрель баатыры  

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *