Азимбек Бекназаров Кыргызстандын Малайзиядагы элчиси кызматына дайындалуусуна агреман келди

Бийлик экс-генпрокурор Азимбек Бекназаровду Кыргызстандын Малайзиядагы элчиси кызматына дайындоону чечип, августтун башында Малайзиядан агреман суранып кат жөнөткөн. Бул тууралу биздин жеке булактар кабарлады.

Малайзия өкмөтү Азимбек Бекназаровдун талапкердигин карап көрүп, анын малай элине кымындай жамандыгы жок экенин билип, макулдук агреманын Бишкекке жөнөттү.

Эми ушул жуманын аягында же келерки жумада КР Жогорку Кеңешинин Эл аралык мамилелр комитети Азимбек Бекназаровдун талапкердигин карап, макулдугун бергенден кийин президент Сооронбай Жээнбеков өз указы менен Азимбек Бекназаровду КРнын Малайзиядагы элчиси кызматына дайындоосу күтүлүүдө.

Эсиңиздерге сала кетсек, быйыл 4-июлда Азимбек Бекназаровдун уулу Руслан Бекназаров КР Президенттик аппаратына жумушка дайындалган.

Булак: Kyrgyztoday.kg

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *