“Балыкчы алко трейд” компаниясы мыйзамсыз түрдө арак чыгарган

Мамлекеттик салык кызматынын кызматкерлери Экономикага каршы күрөшүү кызматынын кызматкерлери менен бирдикте мыйзамсыз түрдө арак чыгарылган фактыны аныкташты. Бул тууралуу 14-ноябрда Мамлекеттик салык кызматы (МСК) билдирди.

Салык көзөмөлү рейд жүргүзгөн учурда “Балыкчы алко трейд” ЖЧКсы лицензиясы жок “Оренбургский пуховой платок” маркасындагы арак чыгара беришкенин аныктады. 2019-жылдын октябрында мындай арак чыгарууга Айыл-чарба, тамак-аш өнөр жайы жана суу чарба министрлиги тарабынан 2020-жылдын 14-январына чейин тыюу салынган.

Бирок ЖЧКнын атынан Балыкчы шаарынын салык кызматына лицензиясын узартуу боюнча расмий өтүнүч келген эмес. Рейд учурунда 0,5 литрлик 21 миң 200 шише арак алынган.

Булак: KyrgyzToday.kg

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *