Kyrgyztoday
Kyrgyztoday » Жаңылыктар » Башкы прокуратура Алмамбет Шыкмаматов менен Сыймык Жапыкеевге кылмыш иши козголгону тууралуу маалыматты четке какты
Саясат

Башкы прокуратура Алмамбет Шыкмаматов менен Сыймык Жапыкеевге кылмыш иши козголгону тууралуу маалыматты четке какты

Башкы прокуратура Алмамбет Шыкмаматов менен Сыймык Жапыкеевге кылмыш иши козголгону тууралуу маалыматты четке кагууда.

Буга чейин “Марал” радиосуна берген маегинде Алмамбет Шыкмаматов, анын маалыматы боюнча, Аскер прокуратурасы ага жана “Чоң Казат” партиясынын лидери Сыймык Жапыкеевге кылмыш ишин козгогон.

“Алар мага жана Жапыкеевге каршы иш козгошту. Кылмыш иши козголгону жөнүндө өздүк булактарым айтып беришти”, – деди ал.

Башкы прокуратуранын басма сөз кызматы бул билдирүүнү четке какты. Алардын айтымында, Башкы жана Аскер прокуратурасы аталган саясатчыларга иш козгогон жок.

Эске салсак, 5-октябрдагы окуялардан кийин башаламандыктын жана бир катар аткаминерлердин кызматтан кетишинин натыйжасында Алмамбет Шыкмаматов Башкы прокурордун милдетин аткаруучу болуп калды деген маалымат ММКларда тараган. Бирок кийинчерээк ал маалыматты четке какты. Анын айтымында, Башкы прокурор жокто анын ыйгарым укуктарын анын орун басарлары аткарышат. Кийинчерээк, нааразы болгон эл Сыймык Жапыкеевди Башкы прокурор деп жарыялаган.

Япония Тажикстанга көзөмөл өткөрүү пунктун куруп берди

Япония орус жарандары үчүн визасыз режим киргизет

Япон агенттиги Талас-Тараз автожолундагы Үйүрмарал суусунан өткөн көпүрөнү курууга гранттык каражат бөлөт