Баткенде аялын аоёсуз сабап, өлтүргөн киши эки айга камакка алынды

Баткенде аялын аоесуз сабап, токмоктоп, өлтүргөн киши эки айга камакка алынды. Бул тууралуу Баткен облустук ички иштер башкармалыгынын басма сөз кызматы журналисттерге билдирди.

Алардын маалыматына караганда, 4-январга караган түнү аялын токмоктоп, өлтүргөн деген шек менен Баткен шаарынын Базар-Башы кварталынын 31 жаштагы тургуну кармалган. Ал териштирүүдө аялы менен алты жыл жашап, үч баласы бар экенин жана  кер-мур айтыша кетип, сабап койгонун айтып берген. Келинге тез жардам чакырылып, ооруканага жеткирилген. Анын денесинде көк ала тактар болуп, бутунда күйүктүн тагы аныкталган. Бул окуя Кылмыштар менен жоруктардын бирдиктүү реестрине Жазык кодексинин 130 беренеси («Киши өлтүрүү») менен катталып, иликтөө иштери башталган. Аялын сабаган киши камакка алынып, сотко чейинки тергөө иштери башталган.

Сүрөттө: Бир кездеги бактылуу үй-бүлө. Дал ушул сүрөттү социалдык тармакка аларды жакшы тааныгандар таратып жатышат.

Булак: KyrgyzToday.kg

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *