Бейтапты алып бараткан тез жардам унаасы аварияга учурады

Бишкекте бейтапты алып бараткан тез жардам унаасы аварияга учурады. Кырсык 8-мартта кечинде Бишкектин Москва менен Калык Акиев көчөлөрүнүн кесилишинде катталып, Дэу үлгүсүндөгү унаа менен Ниссан үлгүсүндөгү тез жардам унаасы кагышкан. Бул тууралуу Жол кыймыл коопсуздугун камсыздоо башкы башкармалыгынын маалымат кызматкери Тилек Оторов билдирди.

Жол кырсыктан эки унаанын айдоочулары, дарыгер жана эки фельдшер жаракат алып, ооруканага кайрылган.

«Дэу унаасын Бишкектин 18 жаштагы тургуну башкарып бараткан. Жол кырсыгы боюнча маалымат Бишкек шаардык жол транспорт кырсыктарын тергөө кызматына өткөрүлүп берилип, тергөө амалдары жүргүзүлүүдө»,- дейт Тилек Оторов.

Булак: «Мантыш»

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *