Бек Борбиев, ырчы: «Иним милицияга берип, кечирим суратам деп ызырынып жүрөт»

“Борбиев личкаңызга акыбызды сурап жаздык, жооп жок. 70 000ди садака кылдык”,-деп бирөөлөр Бек Борбиевге жазганын социалдык тармактарга тарса, аны бөлүшүп, кызуу талкууга алышты. Ырчы аларга жооп кайтарып, өзүнүн “Фейсбуктагы” баракчасына төмөндөгүдөй пост калтырды.

Ушундай пост жазылыптыр. Жооп бербей коеюн десең, мага садака кылып жатса, унчукпай коюш туура эмес. Анда сөз башынан болсун. Бул акча сурап жаткан жигит өзбек улутундагы Мурод деген жигит, 2010-жылы менин кафемде устачылык кылып иштегенге барыптыр, Марат деген жигиттин бригадасы менен. Ал кафени 10 жылдай курдум окшойт, ошондуктан мен ким иштеп жатканы жөнүндө кабарым болгон эмес. Инимдин айтуусунда, 2010-жылкы Ош коогалаңы чыкканда бул балдар эсебин алып, тагыраак айтканда, 25 миң сом алып (объектисин бүтүрбөй) кетип калышат. Кийин алар келбей койгон соң, башка усталар ал объектини бүтүрүп, акысын алып кетишиптир. Мурод деген жигит кийин мага жазып, акча сураганда, мен түшүндүрүп, “бригадир менен сүйлөшүп, чечип алгыла”,- деп айттым эле. Эми мага садака кылып, турганына жол болсун. Унчукпай коеюн десем, кечээ Кудрет иничек чоң пост кылып жазып алыптыр, айла жок жазышка туура келди.
Иним милицияга берип, чындыкты тактап, кечирим суратам деп ызырынып жүрөт.. Мен кой дедим.. Кудай баарына күбө. Жараткандын алдында баары жазасын алат, убагы келгенде”,-деп бүтүргөн сөзүн ырчы Б.Борбиев.

Булак: KyrgyzToday.kg

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *