Бийлик Т.Усубалиевдин 100 жылдыгын филармонияда белгилеп жатса, Ата-Бейитке барып куран окуткандар кимдер?

А.Атамбаевдин уулу Кадырбек баштаган  Атабаевдин жакындары 6-ноябрда Ата-Бейитке барып, саясый репрессиянын курмандыктарына куран окутушту.

“Саясый репрессия темасы ар дайым актуалдуу болуп келген, муну КСДП үстүбүдөгү жылдын августунда жон териси менен сезди. Кыргызстан ири өзгөрүүлөргө муктаж. Биз 7-апрелдеги революцияда курман болгондорду жана 1937-жылдагы репрессия курмандыктарын эскерип, таазим этип, куран окуттук” дешти алар бир ооздон. Бирок Атамбаев тушундагы саясый куугунтуктар жөнүндө бирооз айтышпады.

Эскерте кетсек, 2017-жылы ал кездеги президент Алмазбек Атамбаев Үркүндүн жүз жылдыгын эске алып, атайын буйрук чыгарып, 6-7-ноябрь күндөрү – тарых жана ата-бабаларды эскерүү күндөрү деп жарыялаган.

Булак: KyrgyzToday.kg

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *