Бишкекте ифтар үчүн ачылган чайхананын ээсине айып салынды

Бишкек шаарында Асаналиев көчөсүндө жайгашкан чайхана карантиндик талапты бузуп, ифтар кылуу үчүн кардарларды кабыл алып жаткан. Бул тууралуу шаар мэриясынан билдиришти.

ӨКМнын, Санитардык-эпидемиологиялык кызматынын, райондук ички иштер башкармалыгынын жана акимиаттын кызматкерлеринен түзүлгөн мобилдүү топ чайханага текшерүү үчүн барганда, анын бардык кабинкалары бош эмес экенин көрүшкөн.

“Персонал толук курамда иштеп жаткан. Кафенин ээси мындай көрүнүштү өздөрүнүн адамдарына ооз ачуу уюштуруп жатканы менен түшүндүргөн. Чайхананын ээсине карата бузуулар кодексине ылайык, протокол түзүлүп, айып салынды”, – деп жазылат маалыматта.

Маалым болгондой, санитардык жана карантиндик эрежелердин талаптарын бузгандарга экинчи категориядагы айып салынат. Ага ылайык, жеке жактар үчүн 3 миң сом, юридикалык жактар үчүн 13 миң сом өлчөмүндөгү айып салуу каралган.

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *