Бүгүн Борбордук шайлоо комиссиясында тинтүү иштери жүрүп жатат

Бүгүн, 24-октябрда азыркы учурда Борбордук шайлоо комиссиясында тинтүү жана документтерди алуу жүрүп жатат. Маалыматты БШКнын басма сөз кызматы тастыктады.

Маалыматка ылайык, имаратта Свердлов районунун ички иштер башкармалыгынын кызматкерлери бар.

Буга чейин Шайлоо жана референдум өткөрүү боюнча борбордук комиссиянын мүчөлөрү милицияга суракка чакырылышкан.

Эске салсак, 5-октябрда БШК Бишкекте массалык башаламандыктардан кийин шайлоонун жыйынтыгын жараксыз деп табууга аргасыз болгон. Элдин кыжырдануусунан улам, өлкөдө бийлик алмашып,  президент Сооронбай Жээнбеков кызматтан кетти. Мамлекет башчысынын милдетин убактылуу аткаруучу кызматы премьер-министр Садыр Жапаровго өттү.

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *