Чолпон-Ата шаарындагы аймактык оорукана 21,4 миллион сомго оңдолду

Чолпон-Ата шаарында 70 орунга эсептелген райондук оорукананын капиталдык ремонту аяктады. Бул тууралуу КР Өкмөтүнө караштуу Архитектура, курулуш жана турак жай – коммуналдык чарба мамлекеттик агенттигинин басма сөз кызматы билдирди.

Маалыматтарга ылайык, объектти оңдоп-түзөө иштери июль айында башталган, ал эми сметалык наркы 21,4 млн сомду түзгөн.

“Подряддык уюм электр зымдарын, желдетүү жана канализация тутумдарын жаңыртып, жаңы сантехникалык шаймандарды, терезелерди жана эшиктерди орнотту” – деп айтылат маалыматта.

Ошондой эле, имараттын чатыры алмаштырылып, терезе, эшиктер толугу менен жаңыга алмаштырып, полдор жаңыланган. Медициналык мекеменин аймагын көрктөндүрүү иштери жүргөн.

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *