Чоң атасынын машинасын уурдап качкан 17 жаштагы бала кармалды

Ысык-Көл облусунда эки машинаны турган жеринин уурдап кеткендер кармалды. Бул тууралуу бүгүн, 5-ноябрда ОИИБнин басма сөз кызматы билдирди.

Алардын айтымында, Каракол ШИИБнин нөөмөт бөлүмүнө эки тургун  машинасы уурдалганы тууралуу арыз менен кайрылган. С.Д. аттуу жабырлануучу «Ниссан Террано” үлгүсүндөгү машинасы Кыдыр Аке көчөсүндө турган жеринен жоголгонун айткан. Ал эми экинчи жабырлануучу М.Ш.аттуу адам машинасы түнкү саат 02:00до чамасында Орозбеков көчөсүндөгү гаражынан “Ауди-80” үлгүсүндөгү машинасын кимдир бирөөлөр айдап кеткенин билдирген.

Бул эки факты Каракол ШИИБге катталып, рейддин жүрүшүндө уурдалган эки машина табылган. Бирөө Ак-Суу районундагы Теплоключевка айылындагы талаадан, экинчиси Каракол шаарынын четинин табылган. «Ниссан Террано” машинасын айдап качкан 25 жаштагы Ж. Артур менен “Аудини” айдап кеткен 17 жаштагы Ш.Максим аттуу бала кармалган. Экинчи шектүү жабырлануучунун небереси болуп чыккан. Учурда бул фактылар боюнча тергөө иштери жүрүүдө.

Булак: KyrgyzToday.kg

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *