Чүй милициясынын жетекчиси Самат Курманкуловдун абалы канааттандырарлык

Кой-Таш айылындагы окуясынан башынан оор жаракат алып, Москвада дарыланып жаткан Чүй облусунун ИИБсинин жетекчиси Самат Курманкуловдун абалы канааттандырарлык. Бул тууралуу Саламаттыкты сактоо министрлигинин басма сөз кызматы бүгүн, 14-февраль күнү билдирди.

Маалыматтар боюнча, анын оор жаракаттан кийин толугу менен калыбына келүүсү үчүн дарылоо уланып жатат.

Белгилей кетсек, Самат Курманкуловдун дарылоосуна өкмөттүн резервдик бюджетинен 1 462 691 сом бөлүнгөн. Мындан сырткары, Өкмөттүн буйругу менен Саламаттыкты сактоо министрлиги тарабынан 4 798 520 сом бөлүнгөн.

Эсиңиздерге сала кетсек, 2019-жылдын 7-8-август күндөрү Атамбаевди мажбурлап алып келүү операциясында Чүй ОИИББнын жетекчиси Самат Курманкулов башынан оор жаракат алган. Ал Москвадагы Н.Н.Бурденко атындагы нейрохирургиялык борборуна которулуп, учурда ошол жакта дарыланууда.

Булак: «KyrgyzToday»

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *