Чынгыз Айтматовдун “Флейта и земля” деген чыгармасы табылды!

Улуу жазуучу Чыңгыз Айтматовдун “Флейта и земля”  (“Чоор жана жер”) деп аталган, мурда жарык көрө элек чыгармасы табылды.

Бул чыгарма жөнүндө окурмандар бир нече жылдар мурда кабардар болгон эле. Бирок, бул чыгарманын мааниси жана мазмуну жөнүндө кол жазманы алгач академик Абдылдажан Акматалиев окуп чыгып, өз ой-пикирин билдирген. Жакында А.Акматалиев “Флейта и земля” чыгармасынын үзүндүлөрү Болгариянын “Пламък” (1973-ж.),  “Литературный фронт” (1974-ж.)  аттуу журналдарында жана болгар тилинде жарык көргөн чыгармалар жыйнагынын 2-томунда 1974­–1976-жылдары жарык көргөндүгүн таап чыкты.

Бул таң калыштуу окуя жөнүндө академик, айтматовтаануучу мындай дейт: “Жазуучу өзүнүн макалаларында, маектеринде, же сүйлөгөн сөздөрүндө бул чыгармасы жөнүндө бир да жолу эскерген эмес. Чыгарма орус тилинен болгар тилине которулган. Болгар окурмандары 40 жылдан бери Ч.Айтматовдун бул чыгармасына күбө болуп келет, а бизде али күнгө чейин колубузга жете элек. Анын үстүнө бул факт “Флейта и земля” чыгармасын Айтматов жазган эмес деген кээ бир ишенбөөчүлөрдүн ойлорун жокко чыгарды. Чыгарма Чоң Чүй каналынын курулушуна байланыштуу окуяларды камтыйт. Мен бул чыгарманын болгар тилинде жарык көргөнүн үч жылдай издеп, акыры Болгариядан таап, алдырттым”.

А.Акматалиев мындан сырткары аталган чыгарманын башкы каарманы Бейше Асакеевдин Улуу Ата мекендик согуш учурунда Сталинградда баатырларча курман болгондугун да тактап чыкты.

chyngyz-ajtmatov-flejta-i-zemya2

1 ой-пикир

  • мурат says:

    Эми ушу акматалиевге ишенген адам да бир кызык Жакында эле Мелис Арыпбек жазбадыбы “Төшөгүнө жатчымын, уктачу эмесмин анан дагы деп” күлтүкчү атка конгонун элдин көбү болбосо да айланасы билет. Чыкса чыккандыр чыгармасы деп коюу деле уят бирок дагы эки жылдан кийин күндөлүгүн таптым деп пиар кылат Өзүмө ишенгендей ишенем деп калпты айтаары толук чындык

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *