Де Мистура: Алепподогу абал Трамптын инаугурациясына чейин начарлап кетиши мүмкүн

Де Мистуранын айтымында, Дамаскты мындай кадамдарга Сирия өкмөтүн колдоп жаткан Москва менен мамилелерди жакшыртууга даяр экендиги тууралуу айткан Трамптын билдирүүлөрү түртүшү мүмкүн.

Буга чейин де Мистура эгер аба соккулары улана берсе декабрдын соңуна карата Алеппонун чыгыш бөлүгү толугу менен жок болушу мүмкүндүгүн билдирген. Ал шаарды бомбалоону токтотууга жана Сириянын келечеги тууралуу саясий талкууларды баштоого чакырган.

Алеппо өкмөттүк күчтөр менен оппозиция отряддары ээлеп турган бөлүктөргө бөлүнгөн. Сирия президентинин армиясы орусиялык авиациянын жардамы менен көтөрүлүшчүлөрдүн көзөмөлүндөгү райондорго аба соккуларын жасап жатат. Батыш өлкөлөрү жарандык объектилердин бомбаланып жатканын билдирип, Орусияны бир канча жолу айыптагандан кийин Москва аба соккулары токтогонун айтып, бир нече жолу гуманитардык тыныгуу жарыялаган.

Булак: “Борбор Азия жаңылыктар кызматы”

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *