Депутат А.Шыкмаматов: “Кыргызстан үчүн Европадагы өнүккөн өлкөлөрдүн тажрыйбасы өтө маанилүү»

«Ата Мекен» парламенттик фракция башчысынын милдетин аткаруучу Алмамбет Шыкмаматов Европа бирлигинин Борбордук Азия боюнча атайын өкүлү Питер Буриан менен жолугушуп, Кыргызстан менен Европа биримдигинин ортосундагы саясий-экономикалык кызматташтыктын учурдагы абалы тууралуу пикир алышты. Бул туурасында КР ЖК Басма сөз кызматы маалымдады.

Депутат Алмамбет Шыкмаматов Кыргызстандагы демократиялык реформаларды баардык жагынан колдоого алып келгендиги үчүн Европа бирлигине ыраазычылык билдирип: “Кыргызстан демократиялык багытта өнүгүүнү тандап алган. Биз үчүн Европадагы өнүккөн өлкөлөрдүн тажрыйбасы өтө маанилүү”, – деди.

Ал эми Питер Буриан Кыргызстан аймактагы парламенттик демократиялык багытты тандап алган алгачкы өлкө катары дүйнө коомчулугуна таанымал экенин белгилеп: “Эркин демократиялык коомду түзүү демилгесин ишке ашырууну көздөгөн Кыргызстандагы сот жана шайлоо реформасы башкы максат болушу керек. Ага ылайык, Европа бирлиги мындай жаӊыланууларды дайыма колдоого даяр” – деп кошумчалады.

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *