Kyrgyztoday
Kyrgyztoday » Жаңылыктар » Депутат Иса Өмүркулов учурда парламентти таратуунун кажети жок деп эсептейт
Саясат

Депутат Иса Өмүркулов учурда парламентти таратуунун кажети жок деп эсептейт

“Парламентти таркатуу керек деген пикирлер бар. Таркатуунун кажети жок деп ойлойм, анткени бүгүнкү күндө мыйзамдуу парламент иштеп жатат. Бир ай калды – биз аягына чейин иштейбиз”. Бул тууралуу бүгүн, 16-октябрда депутат Иса Өмүркулов “Ала-Арча” мамлекеттик резиденциясында Жогорку Кеңештин кезексиз жыйынында билдирди.

Анын айтымында, бүгүн президенттин өз каалоосу менен отставкага кетиши биринчи жолу болуп жатат.

Анын пикиринде, бул кийинки муундарга, ошондой эле кызматта отургандарга чоң сабак болот, эгерде элдин нааразычылыгы болсо же жумушта ката кетсе, анда алар каталарды мойнуна алып, кетүүнү үйрөнүшү керек.

«Сооронбай Шарипович өзүнүн билимин жана тажрыйбасын кызмат орундарына багыттап, кызматты жетектеген. Кайсы жерде жүрбөсүн, адамгерчилиги, элге болгон мамилеси менен айырмаланып турган. Бүгүнкү күндө ушул кырдаалды эске алып, кресло бир адамдын өмүрүн талап кылбайт, ошондуктан адамдардын каны төгүлбөйт, элдин суроолорун туура кабыл алып, ал эрдикке жетишип, арыз жазган», – деди ал.

Албетте, ар бир адам ката кетирет, деди Өмүркулов.

Жаңы премьер-министрге жана өкмөттүн курамына кайрылып жатып, Иса Өмүркулов бүгүн бийликтин расмий түрдө эл алдында экендигин жана бүгүнтөн баштап алар үчүн жоопкерчиликти алышканын айтты.

«Бүгүн экономиканын социалдык чөйрөдөгү абалы курч, эртең коронавирус. Ошондуктан, бардык мүмкүнчүлүктөрдү жана каражаттарды багыттагыла, чараларды көргүлө. Ошондой эле саясий куугунтукту токтотуу керек», – деди ал.

Япония Тажикстанга көзөмөл өткөрүү пунктун куруп берди

Япония орус жарандары үчүн визасыз режим киргизет

Япон агенттиги Талас-Тараз автожолундагы Үйүрмарал суусунан өткөн көпүрөнү курууга гранттык каражат бөлөт