Депутат Жамангулов “шефи” Бабановдун куйругун бастыбы?

Жогорку кеңештин жаш депутаты Акылбек Жамангулов “Республика-Ата-Журт” фракциясынын жыйынында 2010-жылы 7-апрелден кийин мамлекеттин менчигине өткөн “Бишкек арак заводу” менен “БНК” заправкаларынын  (Петрол групп) жеке менчикке сатылып кетишинин мыйзамдуулугун текшерүүнү УКМК, ИИМ жана Экономикалык кылмыштарга каршы күрөшүү кызматына  тапшырууну талап кылды. Акылбек мырза бул жоругу менен “шефи” Бабановдун куйругун басып алганын байкаган жок көрүнөт.

Дегенибиз, баасы 133 миллион сомго бааланган “Бишкек арак заводу” жарым баасына 66 миллион сомго сатылып кеткен иште Бабановдун кулагы чыкканын билбейт окшойт. Же билсе да атайын жасады. Дегенибиз, ошол кездеги премьер-министр Өмүрбек Бабановду Камчыбек Ташиев: “Бишкек арак заводун арзан сатып алыш үчүн Чыныбай Турсунбеков премьер-министр Өмүрбек Бабановго $300.000 пара берген”, – деп парламентте айтып чыккан. Бирок Чыныбай Турсунбеков  да, Өмүрбек Бабанов да Ташиевди сотко бере алышкан эмес.

Ал эми “БНК” заправкалары мамлекетке кайтарылганда Сайдулла Нышанов директор болуп, анан аны 3 миллион долларга сатылды кылып, кийин ал ишкананы “Роснефть” компаниясына 40 миллион долларга сатып жиберишкени айтылган.  Ортодо мамлекет 37 миллон доллар зыян тарткан. Жогорудагы эки факты боюнча убагында кылмыш иши козголгон менен бүгүнкү күнгө дейре жыйынтык жок. Жаш депутат ушул жагдайды кайра козгоп, эски жаранын оозун тырмакп жаткан кези. Аягына чыгара алаар бекен…

Булак: “Фабула”

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *