ДССУ Казакстандын коронавируска каршы дагы бир вакцинасын каттады

Дүйнөлүк саламаттык сактоо уюму Казакстандын коронавирус инфекциясына каршы экинчи вакцинасын талапкер вакциналардын тизмесине киргизди. Бул тууралуу Казак улуттук агрардык университетинин эл аралык вакцинология борборунун директору Кайсар Табынов Facebook социалдык тармагындагы баракчасына жазды.

“Достор, биздин SARS-CoV-2 (COVID-19) вакцинасы Бүткүл дүйнөлүк саламаттык сактоо уюмунун вакцинага талапкерлеринин тизмесине 2020-жылдын 9-сентябрында киргизилгендигин кубануу менен билдирем. Бул вакцина Казак улуттук агрардык университетинин эл аралык вакцинология борборунун жана М.Айкимбаев атындагы өзгөчө кооптуу инфекциялар боюнча Улуттук илимий борборунун биргелешкен иши болуп саналат. Учурда клиникага чейинки изилдөөлөр жүрүп жатат” – деп жазган Кайсар Табынов.

Буга чейин Дүйнөлүк саламаттык сактоо уюму Казакстандын коронавируска каршы клиникалык сыноолорго каршы вакцинасын расмий түрдө киргизгени маалымдалган. Вакцина Казакстандын Билим берүү жана илим министрлигинин Илимий комитетинин Биологиялык коопсуздук көйгөйлөрү комитетинин илим-изилдөө институту тарабынан иштелип чыккан.

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *