Дубайда вилла тоногон кыргыздар соттолду

Дубайдын Палм-Жумейр аймагындагы вилланы тоногон кыргыздар  соттун өкүмү менен 3 жылга эркинен ажыратылып, чыккандан кийин өлкөдөн чыгарылат. Бул тууралуу 18-ноябрда UAE басылмасы кабарлады.

2019-жылы февралда үч кыргызстандык түн жамынып, виллага балкон аркылуу киришип, үч сейф таап алышкан. Кылмышкерлер сейфдерди ачышып, андагы 219 миң дирхам (4 млн 168 миң сом) турган баалуу буюмдарды алып кетишип, Дубайдан учуп кетишкен.

Уурдалган буюмдарды бир аялга калтырып коюшкан. Ал аял азыр эркиндикте. Өз кезегинде ал аял 31 жаштагы киши менен байланышып, ал болсо акысына 900 доллар алып, баалуу буюмдарды Бириккен Араб Эмираттарынан чыгарып кетмек экен.

Төртүнчү кылмышкер бир аялга жолугуп, андагы буюмдарды чыгарып кетүүгө аракет кылганын мойнуна алган. Ал берки үч айыпталуучуга материалдык-техникалык жардам көрсөтүп, уурдалган буюмдарды чыгарып кетүүгө көмөк көрсөтүп келген.

Сотто кыргызстандыктар күнөөлөрүн мойнуна алышып, атайын уурулук үчүн Эмираттарга келишкенин жашырышкан эмес.

Булак: KyrgyzToday.kg

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *