Дүйшөмбү Москвада кармалган үч мекендешинин тек-жайын аныктоодо

Тажикстандын укук коргоо органдары Москвада теракт уюштурууга айыпталган үч жаранынын камалгандыгына байланыштуу текшерүү иштерин баштады. Алар 14-августта Орусиянын Федералдык коопсуздук кызматы тарабынан кармалган.

Тажикстан ИИМинин басма сөз катчысы Умаржон Эмомали өлкөнүн укук коргоо органдары орусиялык кесиптештери менен бирге үч тажик жаранынын террористтик актыны даярдоого тиешеси бар-жогун текшерип жаткандыктарын билдирди.

«Тажик тарапка окуянын айрым чоо-жайы белгилүү болду, бирок тергөө жараянына тоскоолдук кылбоо үчүн азырынча комментарий бербейбиз», – деди ал.

Басма сөз катчынын айтымында, учурда кармалгандардын тек-жайы такталууда. Күн мурун орусиялык ММКлар Москванын Лефортов райондук соту теракт даярдоого шектелип кармалган үч тажик жаранын камакка алуу чечимин чыгарганын жазышкан.

Булак: “Борбор Азия жаңылыктар кызматы”

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *