ЕБ Орусияга карата санкцияларды жарым жылга узартты

Европа Биримдигинин лидерлери бейшембиде Орусияга каршы экономикалык санкцияларды 2017-жылдын ортосуна чейин, алты айга узартуу чечимин кабыл алышты. Чектөөлөр Москванын Украинадагы аракеттери үчүн киризилген. Бул тууралуу Рейтер Брюсселдеги дипломатиялык булактарына шилтеме берип билдирүүдө.

Ушундай чечим кабыл алынары негизинен күтүлүп жаткан. Орусиянын коргонуу, энергетика жана каржы секторлоруна карата санкцияларды узартуу боюнча формалдуу жараян келерки аптада башталат.

Европа биримдиги Орусияга каршы чектөөлөрдү 2014-жылы Крым аннексияланып, Донбасста кагылышуулар башталгандан кийин киргизген. Украина менен эл аралык коомчулук Кремлди жикчилдерге куралдуу колдоо көрсөтүп жатат деп айыпташууда. Өз кезегинде Москва ал айыптоолорду четке кагып келет.

Булак: “Борбор Азия жаңылыктар кызматы”

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *