Египеттеги зыяратчыларга кол салуу үчүн ИМ тобу жоопкерчилик алды

Египеттеги христиан-зыяратчыларга кол салуу үчүн жоопкерчиликти “Ислам мамлекети” террордук тобу өзүнө алды. Экстремисттер 32 адам өлтүрүлгөнүн билдиришүүдө.

Египет бийлигинин маалыматында окуядан 29 адам каза таап, 13ү жаракат алганы жана алар ооруканада экени айтылат.

25-майда куралчан топ өлкөнүн түштүгүндө жайгашкан Минья провинциясындагы монастырга бараткан зыяратчылардын автобусуна кол салган.

Окуядан кийин Египет президенти Абдел Фаттах ас-Сиси “Ислам мамлекети” террордук тобунун Ливиядагы машыгуучу базаларына абадан сокку урулганын жарыялады. Ишембиде аскерлер зыяратчыларга кол салууга катышкан согушкерлер даярдалган бир нече база жок кылынганын билдирген.

Булак: “Борбор Азия жаңылыктар кызматы”

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *