Электрондук сигареттердин контрабандасы үчүн 6 кыргызстандык Түркиядан кармалды

Бул тууралуу маалымат Түркиянын соода жана өнөр жай министригинин расмий сайтына жайгаштырылган. Маалыматка ылайык, 29-ноябрда эле Ыстамбулдагы аэропорттон бажы кызматкерлери алты кыргызстандыктын Алматыдан келген жүгүн өткөрүшкөн. Ал жүктөн электрондук сигареттер салынган 7 миң 390 коробка табылган. Түркиянын бажы кызматы бул жүктү контрабанда деп таап, анын баасын 27 миң долларга баалаган.

Камакка алынган 6 айыпталуучуга “Контрабанда” беренеси коюлду. Түркиянын кылмыш кодексине ылайык, декларация толтурбай, товар алып киргендиги үчүн 1 жылдан беш жылга эркинен ажыратылып, ири суммадагы айып пул салынат.

Мурда Түркиянын саламактыкты сактоо министрлиги электрондук сигареттерди сырттан ташып келүүгө тыюу салган эле.

Булак: KyrgyzToday.kg

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *