ЭлТР телеканалынын жамааты башкы директор болуп дайындалган Шаиста Шатманованы кабыл албай, иш ташташты

ЭлТР телеканалына Шаиста Шатманова башкы директор болуп дайындалгандыгына байланыштуу бардык кызматкерлер өз жумуштарын таштап кетишти. Бул тууралуу журналист жана ЭлТР телеканалынын алып баруучусу Бакыт Сакыбаев Facebook социалдык тармагындагы баракчасына жазып чыкты.

“16-октябрда “ЭлТР” МТРКсына башкы директор болуп дайындалып келген Шаиста Шатманованы телеканалдын жамааты кабыл алган жок. Өкмөттөн келген өкүл Бактыбек Ырсалиевдин алдында жамаатка алынып кетүү үчүн 3 күн убакыт сураган. Бирок, андан бери 10 күн убакыт өттү. Жамааттын “кетсин” деген талабын Шаиста Шатманова тоготкон жок. Биз андан бери нааразычылык кылып, бир нече маданияттуу акцияларды өткөргөнүбүздөн майнап чыкпай жатат. Бүгүн  26-октябрда кечки саат 18:00дөн баштап, “ЭлТР” МТРКсынын толук жамааты иш таштоого аргасыз болдук” – деп жазган ал.
“Биздин бул иш таштоо кадамыбыздан майнап чыкпай турган болсо, Профсоюздун демилгеси менен жалпы жамаат Президенттин милдетин аткаруучу, Премьер-министр Садыр Жапаровдун “ЭлТР” МТРКсына жаңы дайындаган Шаиста Шатмановага чыккан буйругун жокко чыгаруу үчүн Жогорку Соттун Конституциялык Палатасына арыз менен кайрылууга аргасыз болобуз” – деп кошумчалады ал.

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *