Эркиндиктин баасы өтө кымбат

Ошентип мунапыс берчү күн деле аяктап калды. Бирок, акыйкатчы Кубат Оторбаевдин канатсыз “карлыгачы” көкөлөп учалган жок. Негизи башы менен тамды сүзгүлөсө деле учмак эмес анысы. үмүт чиркин ар кандай кыялдарды жаратат турбайбы? Кээде татаалдашкан процесстерди деле заматта ийге келтире ала тургансып көкөлөп алышат айрымдар. Тилекке каршы омоктуу маселени чече турган “дөөлөрдү” копшолто албай убара болушканы неге байланган? Албетте, саясаттын күңгөй менен тескейине чырмалышкан жагдайды да эске алуу зарылдыгы бар эмеспи?

Анын сыңарындай жалгыз камерада отурган Өмүрбек Текебаевдин маселеси оңой чечилбейт. Кыл сууругандай эле сыртка чыгарып таштагыдай ал жерде жаткан таш эмес. Ичинде далай “иттер” өлүп жатат. Ошондуктан темир тордун артында эл кабарсыз болгон “оор сырлар” жатат. Демек, эркиндиктин баасы өтө кымбат. Жалгыз акыйкатчынын буга шаасы жетпейт. Антсе да Кукеңин аракетине өмүке агынан жарылганын билдирди. Ал тургай акталып чыгам деген дымагын жактоочусу шардана кылды. Эмнеси болсо да кармашуулардын күүсү азырынча жанбайт, дагы далайга чейин уланат.

Булак: Ачык Сөз

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *