Фото – Алмаз Атамбаевдин кызы Алия таштандылардын арасында жатып, сүрөткө түшүп, фотосессия өткөрдү

Бүгүн, 19-ноябрда Кыргызстандын мурдагы президенти Алмаз Атамбаевжин кызы Алия Шагиева өзгөчө тематикадагы фотосессиядагы сүрөттөрү менен бөлүшүп, таштандылар менен күрөшүүгө чакырды. Ал үйүлүп жаткан тиричилик таштандыларынын үстүндө жаткан сүрөттөрүн өзүнүн Instagram баракчасына жарыялады.

Биринчи сүрөттө ал чемодандын үстүндө отурат.

“Чемоданда эмне бар? Таштандылар бүт жактан жана анын көлөмү өсүп жатат. Ойлондуруучу кырдаал. Бирок биз колубузду куушурабыз жана “Бир нерсе кыла алабызбы?” деген ой келет. Келет! Кырдаалды чечүүнүн эрежеси – өзүңдөн баштоо”, – деп жазган Алия Шагиева.

Анын айтымында, ага экология темасында фотосессия тартуу сунушу түшкөн.  “Бул сүрөттө мен адам баласы кандай коркунучтуу жан экендигин айткым келбейт. Себеби бардыгы эле жаман эмес, дагы деле болсо адамзатка үмүт бар. Мен дүйнөгө ишенем”, – деп белгиледи ал.

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *