Фото – Бишкек мэриясы жай мезгилине карата фонтандарды оңдоодо

Бишкек шаарындагы фонтандарды оңдоо иштери уланууда. Бул тууралуу мэриянын басма сөз кызматы бүгүн, 14-январь күнү билдирди.

Алардын маалыматында, учурда “Тазалык” муниципалдык ишканасынын 11 кызматкери Т.Сатылганов атындагы улуттук филармониянын алдындагы фонтандарда пландык текшерүү иштерин жүргүзүп,  оңдоп-түзөө иштерин жасоодо.

“Революция баатырлары”  жана”Ала-Тоо” аянтындагы фонтандарды оңдоодон өткөн.

“Пландык капиталдык оңдоп-түздөө иштери жай мезгилинде фонтандар үзгүлтүксүз иштөө үчүн жүргүзүлөт. Салтка айлангандай эле Бишкектеги фонтандар май айында иштей баштайт”- деп айтылат маалыматта.

Белгилей кетсек, “Тазалык” муниципалдык ишканасынын менчигинде 16 фонтан бар.

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *