Фото — «Дилбар» мода үйү №17-кесиптик лицейдин бүтүрүүчүлөрүн конракттык негизде жумушка ала баштады

Бүгүн Бишкек шаарындагы Эмгек Кызыл Туу ордендүү №17- кесиптик лицейинде 2015–2016-окуу жылын жыйынтыктоо боюнча салтанаттуу иш-чара уюштурулду. Аталган иш-чарага Жогорку Кеңештин, башталгыч жана орто кесиптик билим берүү агенттигинин, жалпыга маалымдоо каражаттарынын өкүлдөрү жана ошондой эле иш берүүчүлөр, мода агенттиктеринин өкүлдөрү жана бүтүрүүчүлөрдүн ата-энелери катышты.

лицей 17     Лицей 17 2

Лицей 17 3     Лицей 17 4

2015–2016-жылдагы окуу жылында бюджеттик жана контракттык негизде 280 жаш улан-кыздар тигүүчүлүк, бычмачылык, чачтарач, слесарь адистигине ээ болушту. Алардын ар бири тандаган кесиби боюнча өздөрү тигип даярдаган сырткы кийимдерди, улуттук колоритти камтыган кече көйнөктөрүн, эркектердин костюмдарын көпчүлүктүн сынына коюшту. Бүтүрүүчүлөрдүн эмгектери көрүүчүлөр тарабынан зор кызыгууну жаратты.

Кесиптик лицейдин бүгүнкү бүтүрүүчүлөрүнүн 80-90 пайызы ар түрдүү өндүрүштүк ишканаларда жумуш орундары менен камсыз болушту. Мисалы, «Дилбар» мода үйүнө контракттык негиздеги бүтүүрүчүлөрдүн көпчүлүгү иштешип жатышат. Бул көрсөткүч биздин ата мекендик өндүрүшчүлөр атайын билимге ээ болгон адистерге өтө муктаж экенинен кабар берет деп билдирди аталган лицейдин директору Инават Ниматова өз сөзүндө.

Баарыбызга маалым болгондой акыркы жылдары тигүүчүлүк, бычмачылык, чачтарач кесиптерине иш берүүчүлөр тарабынан коомдо талап күчтүү болуп, алар жакшы эмгек маяналарын алып келишет.

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *