Фото – Мухаммедкалый Aбылгазиев: “Өкмөттүн артыкчылыктуу инвестициялык бизнес-долбоорлорун тандоо үчүн конкурстук комиссия түзүлөт”

Кыргыз Республикасынын Премьер-министри Мухаммедкалый Абылгазиев региондук өнүктүрүү механизмдерин каржылоо долбоорун  талкуулоо кеңешмесин өткөрдү.

Кеңешменин жүрүшүндө Кыргыз Республикасынын Президентинин 2019-жылды региондорду өнүктүрүү жана өлкөнү санариптештирүү жылы деп жарыялоо жөнүндө Жарлыгын ишке ашыруунун алкагында артыкчылыктуу багыттарга байланышкан маселелер талкууланды.

Өкмөт башчысы мамлекеттик бийлик органдарынын жана жергиликтүү өз алдынча башкаруу органдары аймактарда бизнес жана ишкердик үчүн жагымдуу шарттарды жана жаңы жумушчу орундарын түзүү үчүн жигердүү иштөөнү белгиледи. Белгиленген иш-чаралардан тышкары, кошумча чараларды көрүүнү, шаарды өнүктүрүү программаларын сапаттуу ишке ашырууну камсыздоо керек.

“20 шаар боюнча аймактык экономиканы өнүктүрүүнүн маанилүү “өсүш башатын” жана өндүргүч күчтөрдү оптималдуу бөлүштүрүүнү ар бири түшүнүү керек. Өкмөттүн ыйгарым укуктуу өкүлдөрү жана район акимдери жасалбаган иштерин жеринде жүзөгө ашыруу керек. Кантсе да алар биздин кыймылдаткыч күч болот, – деп эсептейт Мухаммедкалый Абылгазиев. – Тажрыйба көрсөткөндөй, өнүгүү аймактары Бишкек жана Ош шаарларынын тегерегине басым жасалган, а бизге региондорду өнүктүрүүгө көңүл буруу кажет. Бул бийлик менен жарандык сектордун бардык тармактары боюнча биргелешкен күч аракеттерди талап кылат”.

Мындан сырткары 2 миллиард сом өлчөмүндө региондорду өнүктүрүү боюнча долбоорлорду каржылоону жүзөгө ашырууну баса белгиледи Премьер-министр. Ошентип, бүгүнкү күндө артыкчылыктуу инвестициялардын бизнес-долбоорлорго, материалдык-техникалык өнүгүү боюнча долбоорлорду жана программаларды тандап алуу боюнча Кыргыз Республикасынын Өкмөтүнө караштуу конкурстук комиссия түзүлгөн.

“Бул долбоор Кыргыз Республикасынын региондорду өнүктүрүү саясатынын максаттарына ылайык келет. Бул документке кол коюу тиешелүү административдик-аймактык бирдиктин коомдук-экономикалык өнүгүүсүнүн негизги милдеттерине тиешелүү аймактык долбоорлорду ишке ашыруу үчүн шарттарды түзүү боюнча маанилүү элемент болуп саналат. Сынактык комиссия бир жуманын ичинде артыкчылыктуу инвестициялардын бизнес-долбоорлорго, материалдык-техникалык өнүгүү боюнча долбоорлорду жана программаларды конкурстук тандап алуу жол-жобосун баштайт. Анын максаты – жардам берүү жана кредиттик арыздарга жана башка каржылык каражаттардын жеткиликтүүлүгүн камсыз кылуу. Сынактык комиссиянын Катчылыгы Кыргыз Республикасынын Инвестицияларды илгерилетүү жана коргоо боюнча агенттиги болот”, – деп маалымдады Мухаммедкалый Абылгазиев.

Кеңешменин жүрүшүндө Катчылыкка жөнөтүлгөн Конкурстук комиссиянын чечими Конкурстук комиссия тарабынан жактырылып, Өкмөттүн тиешелүү чечими менен долбоорлорду каржылоо боюнча отчет даярдала тургандыгы белгиленди.

2019-2020-жылдары региондорду өнүктүрүү үчүн республикалык бюджеттен каралган каржылоонун суммасы:

– инфраструктуралык долбоорлор боюнча  – бардык каражат 20%дан ашпоого тийиш;

– инвестициялык долбоорлору жана өнүктүрүү программалары боюнча – бардык каражаттардын эң аз дегенде 80%ды түзүшү керек.

Өнүктүрүү программаларын каржылоо региондук өнүктүрүү үчүн республикалык бюджеттен бөлүнгөн тийиштүү каржылык-кредиттик мекемелердин, өнүктүрүү институттары аркылуу аймактардын коомдук-экономикалык жактан өнүктүрүүнүн программасынын максаттарына ылайык конкреттүү долбоорлорду, инвестициялардын эсебинен жүзөгө ашырылат. Муну менен бирге Премьер-министр өлкө боюнча Ишкерлерди тейлөө борборлорунун маанилүүлүгүн да эске салды. Мухаммедкалый Абылгазиев  үч ИТБ тейлөө, багбанчылык тууралуу маалыматтар жана кеңештер жакшы натыйжаларды көрсөтүп жаткандыгын белгиледи. Мындан тышкары, ал  региондорду натыйжалуу өнүктүрүү жана өлкөнүн жалпы эле алардын мүмкүнчүлүктөрүн аткаруу үчүн ишкерлерди колдоо максатында саясаттын бирдиктүү макулдашуусу болушу керек.

“Алар өз бизнестерин, каржыларын натыйжалуу башкаруу, пландоо үчүн аймактарда ишкерлердин каржылык сабаттуулугун жогорулатуу зарыл”, – деп билдирди Мухаммедкалый Aбылгазиев.

Жолугушуунун соңунда катышуучулар региондук өнүктүрүүнү долбоордук каржылоонун бет ачарын кылышты.

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *