Фото – Опера жана балет театрында оңдоп-түзөө иштери кызуу жүрүп жатат

Кечээ, 7-август күнү Маданият маалымат жана туризм министри Азамат Жаманкулов А. Малдыбаев атындагы  Кыргыз Улуттук академиялык опера жана балет театрында болуп, оңдоп-түзөө иштеринин жүрүшү менен жеринен таанышып чыкты. Бул тууралуу Маданият, маалымат жана туризм министрлигинин  басма сөз кызматы билдирди.

Ондоп түзөө иштеринин жүрүшү менен театрдын директору Керимберди Турапов тааныштырды.

“Бүгүнкү күндө оңдоп түзөө иштери өз нугунда жүрүп жатат. Сапаттуу ремонт жүргүзүү эн маанилүү. Андыктан, болгон аракеттер жүргүзүлүп жатат”- деп билдирди.

Учурда театрда классикалык иш- чаралар өтүүчү  “Малахит залында”, артисттердин грим коюучу бөлмөлөрүндө жана  фойелеринде оңдоп-түзөө иштери жүрүп,  лифттер орнотулгандыгы  маалым болду.

Ремонт иштери менен таанышуу учурунда тиешелүү бардык иш- аракеттер талкууланып,  театр  өз эшигин Ч. Базарбаевдин юбилейине карата өтүүчү “Балет. Балет” фестивалынын алкагында ачылуусу болжолдонууда.

Эске салмак, быйыл 2019 – жылы А.Малдыбаев атындагы Кыргыз улуттук академиялык опера жана балет театры, Т.Абдумомунов атындагы Кыргыз улуттук академиялык драма театры, Ч.Айтматов атындагы Мамлекеттик улуттук орус драма театры ремонттолот. 

 

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *