Фотобаян – Ош облусунун молдолору лыжа тебүү боюнча мелдеш өткөрүштү

Кечээ, 17-февралда Ош облусунун Алай районуна караштуу Чыйырчык лыжа базасында “Спорт-ден-соолуктун булагы” аталышында спорттук иш-чара болуп өттү. Аталган иш-чарага Ош облусунун казысы Самидин кары Атабаев, облустун 7 районунун баш имам-хатибдери жана казыят кызматкерлери катышышты. Бул тууралу Ош облусунун мусулмандар казыятынын маалымат кызматы билдирди.

Иш-чарада райондордун баш имам хатибдери лыжа тебүү менен күч сынашып, бийик тоодон ыкчам түшүү жана шамдагайлык ыкмаларды колдонуу аркылуу жарышышты. Аталган күч сынашууда баш имам-хатибдер лыжа тебүү физикалык шамдагайлыкты, этияттыкты жана психологиялык жактан адамдын өзүнө болгон ишенимдүүлүктү талап кылып, эрктүүлүккө тарбиялаарын белгилешти.

Мындай жакшы саамалыктын уюштуруучусу болгон облус казысы Самидин кары Атабаев иш-чаранын негизги максаты катары төмөнкүлөргө токтолду. “Пайгамбарыбыз (САВ) балдарыңарды ат чапканга, сууда сүзгөнгө жана жаа атканга үйрөткүлө”- деген, демек Исламда спортко болгон мамиле өтө маанилүү экендигин билдирген. Мындан сырткары дин кызматкери адеп-ахлактан сырткары дени-сак жашоонун үлгүсү экендигин көрсөтө алыш керек. Иш-чаранын максаты спорт аркылуу ынтымакка чакырып, ар турдүү терс көрүнүштөрдүн алдын алууга үлгү болуу – деп эсептейт.

Эскерте кетсек, Ош облустук казыяты  ушул жылдын башында лыжа тебүү спортунун альпиялык түрүнөн мелдеш өткөргөн болчу.

Молдолор лыжада4

Молдолор лыжада

Молдолор лыжада2

Молдолор лыжада5

Молдолор лыжада7

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *