Генерал Өмүралиев да жоо-жарагын камданып, Сариевдин штабына келип кошулду

Кочкордон чыккан айбаты катуу генерал, офицерлер арасында кадимки генерал Исмаил Исаковго «тиш салгандыгы» менен белгилүү болгон экс-коргоо министри Таалайбек Өмүралиев да алдыдагы президенттик шайлоодо түндүктүк талапкер Темир Сариевге жардам берүүгө бел байлады. Ушул күндөрү башкы «акшумкарчы» менен позициясын бекемдеп алган генерал-майор Өмүралиев бүгүнтөн тарта кичи мекениндеги штабдарды уюштуруу, кадыр-барктуу, демилгелүү жаштарды катарларына тартууга киришмекчи. Министр кезинде Кочкордон чыккан айрым космополиттер сымал элинен ага-тууганынан кол үзбөгөн генерал бул жолу өзү сүрөөнгө алган талапкерине кыйла эле добуш алып берсе керек. Жердештери да бир кездери жакшылыгын көргөн кулунун уят кылбай, шайлоодо кыйла жардам беришеби? Баса, жакынкы күндөрү Теңир-Тоодон чыккан аттуу-баштуу Бейшен Болотбеков, Турдубек Мамбетов, Таалайбек Өмүралиев өңдүү үлкөндөр Нарын облусун түрө кыдырышып, ага-тууган, дос-тааныштарын Темикеге карай «буруп келишээри» кабарланды. Кармаш кызуу нукта уланчудай болуп калды.

Булак: “Азия Ньюс”

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *