ИИМ:К.Джунушалиев ички иштер органдарын реформалоону толук колдойт жана аны иш жүзүнө ашырууну негизги милдеттеринин бири катары эсептейт

Акыркы мезгилдерде Ички иштер министри Кашкар Джунушалиевдин отставкасы тууралуу шакайың сөздөр соцжелелерде, маалымат агенттиктеринде жана газеталарда желдей тарап жаткандыгына байланыштуу ИИМдин басма Сөз кызматы тактоо иретинде  ыйгарым түрдө анын жалган экендигин билдирет жана белгилейт. Бул тууралуу ИИМдин басма сөз кызматы билдирди.

Коомубузда болуп жаткан жаңылыктар бардык жарандарды кайдыгер калтыра албаган мезгилде жашап жатабыз. Айрыкча, такталбаган маалыматтар, ушак-айыңга такалган жагдайлар кимге болбосун тескери таасирин тийгизип жаткандыгы жашыруун деле эмес. Баса белгилеп айта кете турган багытыбыз, министр Кашкар Джунушалиевдин отставкасы тууралуу жарыя болуп жаткан маалыматтардын жалган жана ушак айың экендигин расмий билдиребиз.  К.Джунушалиев  учурда ички иштер органдарын реформалоо боюнча жүрүп жаткан бардык алгылыктуу иштерди жана багыттарды толугу менен колдойт жана аны ишке ашырууну, аягына чыгарууну колго алууну министр катары негизги максаты деп эсептейт.

Жарандык милдеттерин аткарып, коомдук тартипти камсыздап, кылмыштуулук менен күрөшүп жаткан күчтүү системага кандайдыр бир ишенбөөчүлүк жаратыш үчүн же ИИМдин жетекчилигин алсыратуу үчүн атайын ушактарды биринин артынан бири таратып жатышат. Мындай маалыматтарды таратып жаткандардын максаты ички иштер органдарына көлөкө түшүрүү жана өлкөдө уланып жаткан милициянын реформасына шек туудурууга багытталып жаткандыгын белгилейбиз.

Министр К.Джунушалиевди учурда өздүк курам толугу менен колдойт жана ал жүргүзүп жаткан реформалык иштиктүү иш аракети өз жемишин берет деген терең ишеничте.  Ал эч качан саясатка киришкен эмес, саясий интригалардан алыс жана  бир дагы саясий партиялардын жеке кызыкчылыгын көздөбөйт. Өз ишинин кесипкөй адиси, милициянын ички жана тышкы дүйнөсүн таасын айрый билген министр катарында  эң биринчи милдети жана парзы – Республикабызда жашаган бардык адамдардын эркиндигин жана укугугун коргоодо, коомдук тартипти сактоодо жана кылмыштуулукка каршы күрөштө күжүрмөн даярдыкта дайыма даяр турган милициянын патриот жоокери жана башчысы катарында кызматын өтөп келет.

Коомдук тартипти сактоодо, милиция кызматынын кадыр баркын көтөрүүдө, коомдук алдын алуу борборлорунун иштерин чындоодо,  эл менен бирге болуу, элдин мүдөөсүн угуу жана элге кызмат кылуу министрдин негизги принциптеринин бири.   Ошол эле убакта өздүк курамга да өзгөчө мамиле кылган, милициянын ички көйгөйлөрүн чече билген жетекчи катары өздүк курамдын алдында кадыр баркы жогору. Министр К.Джунушалиевди милициянын өздүк курамы жана жалпы жарандарыбыз коомдук тартипти сактоодо милицияга “өйдөдө өбөк, ылдыйда жөлөк” болуп  колдой тургандыктарын ачык эле айтып жана жазып келишет.

Ошол себептүү К.Джунушалиев тууралуу айтылган жана жазылган маалыматтар чындыкка жатпай тургандыгын төгүндөө менен бирге министр  тууралуу ар дайым такталган маалыматтарды айтууга даяр экендигибизди билдиребиз.

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *